ევროპული ლოგისტიკა - ბაზრის ანალიზი

სატრანსპორტო დარგის დღევანდელი მდგომარეობა გასული ორი წლის მოვლენების პირდაპირი შედეგია. პანდემიის ეპოქაში ლოჯისტიკამ უზარმაზარი რევოლუცია განიცადა. მიწოდების ჯაჭვები მთელს მსოფლიოში თითქმის ერთ საათში ჩამოიშალა. სასაზღვრო კონტროლის გაძლიერება, დაბლოკილი პორტები, გადაზიდვის ტარიფების მკვეთრი ზრდა - გამოწვევების ფონზე, სატრანსპორტო ინდუსტრიამ იძულებულით შეიძინა ბალანსი. ლოჯისტიკის ნორმალური ფუნქციერობის პირობებში დაბრუნებას დარტყმა მიაყენა უკრაინაში სრულმასშტაბიანმა შეჭრამ, ინფლაციამ და საწვავის ფასების ზრდამ. ამ კომბინაციამ შექმნა ძლიერი კრიზისი. ყველაფერ ამას დეტალურად გავეცნობით ევროკავშირის ქვეყნების AsstrA-Associated Traffic AG კომპანიების ჯგუფის რეგიონული დირექტორის ანდრეი ივანოვ-კოლაკოვსკისთან ერთად.

ახალი მიმართულებები

ლოგისტიკა პირველია, ვინც რეაგირებს ბაზრის ცვლილებებზე. დღევანდელი მდგომარეობა რთულია, მაგრამ პანიკაში ნუ ჩავარდებით. ინდუსტრია იმდენად მოქნილია, რომ ეფექტური კომპანია სწრაფად იპოვის მომხმარებელს ევროპის სხვა ნაწილში. Asstra-ს ფინანსური ანგარიშების მიხედვით, კლიენტებმა საკუთარი თავისთვის ახალი მიმართულებები აღმოაჩინეს. ზრდა დაფიქსირდა შემდეგ მარშრუტებზე: ჩეხეთი - გერმანია 16%, საფრანგეთი - თურქეთი 487%, ჩინეთი - თურქეთი 343%, ჩინეთი - გერმანია 248% და გერმანია - რუმინეთი 52%. მომსახურებაზე მოთხოვნა იზრდება, მაგალითად, სინგაპურში, იაპონიაში, ბრაზილიასა და კანადაში.

რეალიზებული ტრაფიკის ზრდა შესამჩნევია არა მხოლოდ მთელ რიგ რეგიონებში: ევროკავშირში, ახლო აღმოსავლეთში თუ აზიაში, არამედ ეროვნულ პორტებში მიწოდების მოცულობის თვალსაზრისითაც. ზოგადად, 2021 წლის ანალოგიურ პერიოდთან შედარებით, საზღვაო ტრანსპორტის მიმართ ინტერესი გაიზარდა 17%-ით, საჰაერო ტრანსპორტის მიმართ - 30%-ით, სარკინიგზო - 68%-ით და საავტომობილო ტრანსპორტის მიმართ - 22%-ით.

ხარჯები და მოგება

უნდა გვახსოვდეს, რომ ფასების ნახტომისებური ზრდა ნედლეულზე, საწვავზე, ენერგიაზე და ინფლაცია იწვევს პერსონალზე და საოპერაციო ხარჯების ზრდას. მეორე მხრივ, გაზრდილი მოთხოვნა შესაძლებელს ხდის ხარჯების ნაწილის გადატანას მომხმარებლებზე. თუმცა, ბალანსის შესანარჩუნებლად, ჩვენ მუდმივად ვმუშაობთ პროცესების ოპტიმიზაციაზე და ალტერნატიული გადაწყვეტილებების პოვნაზე. წლის დასაწყისიდან კომპანიების ჯგუფმა გახსნა ახალი ფილიალები გერმანიაში, საქართველოში, ბულგარეთში და ესპანეთში, ასევე გაზარდა სასაწყობო ფართები. ჩვენი ყურადღება გამახვილებულია მიწოდების ჯაჭვების შემცირებაზე, რაც ბუნებრივად იწვევს მომხმარებლისთვის ხარჯების დაზოგვას. ელექტრონული კომერციის განვითარება, nearshoring-ის ინტენსივობის ზრდა (წარმოების ევროპასთან მიახლოება) და just-in-case მოდელზე გადასვლა (მარაგების მართვა საწყობში), ლოჯისტიკას საშუალებას აძლევს თუნდაც ასეთ რთულ საბაზრო პირობებში, განვითარდეს სტაბილურად.

ევროპის ეკონომიკა და მთელი სატრანსპორტო ინდუსტრია არა მხოლოდ სერიოზული გამოწვევების, არამედ ახალი შესაძლებლობების წინაშე დგას. ლოგისტიკა აგებს აღმოსავლეთში, მაგრამ იმარჯვებს სხვა მიმართულებით. AsstrA-Associated Traffic AG-ის ბრუნვამ 2022 წლის პირველ ნახევარში შეადგინა 243 მილიონი ევრო, რაც 27%-ით მეტია 2021 წლის შესაბამის მაჩვენებელზე. კაპიტალის ჯგუფის მთლიანი მოგება გაიზარდა 117%-ით. პირველ 6 თვეში შესრულებული გადაზიდვების საერთო რაოდენობამ 85000-ს მიაღწია.