შვეიცარიულმა სატრანსპორტო და ლოჯისტიკურმა კომპანია AsstrA-Associated Traffic AG-მ ბანგლადეშის დედაქალაქ ჩიტაგონგიდან ჰიუსტონში, ტეხასის შტატში, ძირითადი ენერგობლოკისა და მასთან დაკავშირებული აღჭურვილობის კომპლექსური გადაზიდვა წარმატებით დაასრულა.
პროექტი 2023 წელს დაიწყო, როდესაც ახალმა კლიენტმა ტვირთის გადაზიდვის ბიუჯეტის შესაფასებლად AsstrA-ს მიმართა. ორი წლის შემდეგ, ბოლო ტვირთის გადაზიდვა წარმატებით დასრულდა. ტვირთი ჩიტაგონგის პორტში 20 მარტიდან იტვირთებოდა და ჰიუსტონში 2025 წლის 3 ივნისს ჩავიდა.
ტვირთი მოიცავდა ელექტროენერგიის გენერაციის აღჭურვილობის სრულ კომპლექტს, რომელიც შედგებოდა გენერატორებისა და ყველა დამხმარე მოწყობილობისგან. ტვირთი დაკომკლეფტებული იყო 40 ინდივიდუალურ კონტეინერში, რომელთა საერთო წონა იყო 642 ტონა და მოცულობა - 3,557 კუბური მეტრი. ამ გადაზიდვას და მთლიანად ოპერაციას არაერთი უნიკალური მახასიათებელი ჰქონდა. ერთ-ერთი მათგანი იყო ის, რომ აღჭურვილობა უკვე მუშაობდა და საჭიროებდა დემონტაჟს და გადაზიდვისთვის მომზადებას ჰიუსტონში დასაბრუნებლად შემდგომი შეკეთებისთვის.
როგორც აღვნიშნეთ, ეს გადაზიდვა გარკვეული მიზეზის გამო იყო რთული. პირველ რიგში, ეს იყო ოპერაცია ნაწილობრივი ჩარტერით და გამგზავრების პორტში ჩატვირთვის ფიქსირებული დროით. ყველა აღჭურვილობა ბანგლადეშში ჩატვირთვის პუნქტიდან გაგზავნის პორტამდე ბარჟით გადაიტანეს. სულ დაგვჭირდა 4 ბარჟა, გადაზიდვის ხანგრძივლობამ 1 დღე შეადგინა. შემდგომი ჩატვირთვა ბარჟიდან გემზე გემის აღჭურვილობის გამოყენებით, ყველა რისკისა და უსაფრთხოების ფაქტორის გათვალისწინებით ნელი და მეთოდური იყო. ჩატვირთვა შეუფერხებლად წარიმართა. ყველა მხარე ჰარმონიულად მუშაობდა იმის უზრუნველსაყოფად, რომ ყველა ტვირთი დატვირთულიყო შეთანხმებულ 48 საათის ვადაში.
„ჩიტაგონგში ბარჟიდან გემზე გადატანის ოპერაციები და მანევრები რთული იყო, მაგრამ მთელი პროცესის განმავლობაში მხარდაჭერამ და ხელშეწყობამ შეამცირა რისკები და შეფერხებები. უფრო მეტიც, პროცესში ბევრი მხარე იყო ჩართული, ამიტომ კოორდინაციასა და მართვაზე დახარჯული დრო საბოლოო ჯამში კრიტიკულად ღირებული აღმოჩნდა. შეფერხებებისა და დამატებითი ხარჯების თავიდან აცილებაც არც ისე იოლი იყო, მაგრამ ეს ყველაფერი დაძლეული იქნა მჭიდრო მენეჯმენტის, მომხმარებლებთან და მომსახურების მიმწოდებლებთან პარტნიორობის, ღია და მკაფიო კომუნიკაციის და უპირველეს ყოვლისა, დეტალური დაგეგმვის გზით“, - განაცხადა კოლინ ბეგველმა, IPL North America Division AsstrA-ს ხელმძღვანელმა.
ამ ტვირთის ლოჯისტიკური ოპერაციების კიდევ ერთი მნიშვნელოვანი კომპონენტი, რომელიც რთული აღმოჩნდა, იყო ჩიტაგონგში ექსპორტის საბაჟო პროცედურა, რომელიც რამდენიმე დაინტერესებულ მხარეს შორის დეტალურ კოორდინაციას მოითხოვდა. AsstrA-ს ექსპერტების, წინასწარი დაგეგმვის ეტაპზე და ჩატვირთვის დროს ადგილზე ყოფნამ, უზრუნველყო შეუფერხებელი დამუშავება და უსაფრთხოების უმაღლეს სტანდარტების დაცვა.
ეს გადაზიდვა ადასტურებს AsstrA-ს უნარს, გაუმკლავდეს უმაღლესი დონის სირთულის სატრანსპორტო ამოცანებს. AsstrA-Associated Traffic AG აგრძელებს თავისი რეპუტაციის განმტკიცებას რთული, მაღალი ღირებულების და სპეციალიზებული სამრეწველო ტვირთების გადაზიდვის სფეროში.ყველა ეტაპზე ყურადღებას ამახვილებს უსაფრთხოებაზე, სიზუსტესა და მომხმარებლებთან პარტნიორობაზე.
